Kryeministri i Kosovës, Albin Kurti ka thënë se një nga arsyet e bllokadës së zgjedhjes së presidentit është se ka preferenca nga partitë opozitare për koalicione paszgjedhore.
Ai ka thënë se kjo po bëhet me qëllim të dëmtimit të Vetëvendosjes.
Kurti në seancën e Kuvendit ku po diskutohet për çështjen e presidentit ka thënë se përgjegjësia për zgjedhjen e presidentit është e përbashkët.
“Koalicionet parazgjedhore janë formë e ndershme e marrëveshjes politike, sepse qytetarët e dinë paraprakisht se kush do të qeverisë bashkë. Por ne kemi koalicione parazgjedhore që s’po lidhen, por që po dihen që janë koalicione paszgjedhore dhe këtu është një pjesë e madhe e arsyes së bllokadës. Ka preferenca për koalicione të padeklaruara. Kjo është kronologjia e fakteve, të tjerat janë manipulime, trillime që qëllimin e kanë sado pak dëmtimin e LVV-së”, ka thënë Kurti.
Kurti ka thënë se opozita zgjodhi heshtjen kur ju ofrua mundësia për tu bërë pjesë e zgjidhjes
Ai ka thënë se opozita nuk ka sjellë emra dhe nuk kanë paraqitur as në takimet që i kanë zhvilluar.
“Fakti që opozita nuk ka marrë asnjë iniciativë, është dëshmi e qartë e dështimit të marrjes së përgjegjësisë proporcionale . Ne ju thamë, ju propozimet na mbështetjen. Kanë mundur t’i sjellin tre emra, asnjë emër nuk e sollën, as në takimet që kemi pasur asnjë emër nuk e kanë përmend, unë kam përmend emra të partive të tyre”, u shpreh Kurti, raporton teve1.info
