Gjatë një konference për medie, Kurti tha se me Projektligjin e ri të pagave një praktike tillë dot ndalet.
“Më 2018, 39 për qind e shërbyesve civil kanë pranuar se janë rekrutuar falë lidhjeve partiake dhe 44 për qind lidhjeve tjera,familjare e shoqërore”, tha Kurti.
Sipas Kurtit, të dhënat nga raportet e progresit prej vitit 2008 deri 2020 theksojnë se administrata publike ka qenë e ndikuar nga ndërhyrjet politike në procesin e emërimeve.
Kurse sipas tij, personat me aftësi të kufizua dhe gratë nuk janë të përfaqësues në institucione mjaftueshëm.
“Nga viti 2018 deri 2020 del se nuk janë respektuar parimet rekrutimit transparent dhe të bazuar në merita. Nga 2008 deri 2020 është theksuar nevoja për përmirësimin e shkathtësive në shërbimin civil dhe fuqizim të burimeve njerëzore. Nga 2013 është paraparë moszbatimi i vlerësimit të performances dhe mungesa e llogaridhënies menaxheriale. Kurse nga viti 2010 deri 2020 çdo vit raportet e progresit t BE-së tregojnë që personat me aftësi të kufizuar, komunitetet joshumicë dhe gratë nuk janë ende të përfaqësuara si duhet në institucionet publike, veçanërisht në pozita udhëheqëse”, tha Kurti.
Sipas Kurtit, raportet ndërkombëtare për të drejta të njeriut kanë nxjerrë të dhëna diskriminuese edhe sa i përket pozitave menaxheriale, ku sipas tij, gjatë periudhës së njëjtë, në nivelin e lartë drejtues sipas statistikave janë emëruar 69 burra dhe 17 gra kurse në nivelin e mesëm drejtues 377 burra dhe 79 gra.
