Kandidati për kryetar nga AAK-ja në komunën e Gjakovës, Ardian Gjini pas votimit të tij në shkollën “Fehmi Agani” tha se sa më shumë qytetarë që shprehin vullnetin për të shfrytëzuar të drejtën e tyre të votës, aq më e fortë është demokracia.
Gjini pas votimit ftoi qytetarët pasi që gjithçka sot është në dorën e tyre.
Ai u shpreh se sa më shumë qytetarë që dalin dhe shprehin vullnetin e vet demokracia jonë është më e fortë
“Ajo çka na mbetet me bë është me votu dhe me i ftu qytetarët e komunës së Gjakovës për me votu, nuk ka shi është ditë e mirë. Sa më shumë qytetarë që dalin dhe shprehin vullnetin e vet demokracia jonë është më e fortë. Gjithçka sot është në dorën e votuesve, po duket mirë”, tha Gjini.
Sot në Kosovë qytetarët e 18 komunave po votojnë për të përcaktuar kryetarin e ri të komunës së tyre.
