25 vite pas luftës, pavarësisht përparimeve, Kosova ende përballet me sfida në promovimin e një qasjeje konsistente për trajtimin e historisë së saj. Për këtë çështje u diskutua sot në Prishtinë nga ekspertë e përfaqësues institucionesh.
Në ambientet e Qendrës ‘’Barabar’’ u mblodhën të martën.
Qëllimi ishte të diskutohej për kulturën përkujtimore të Kosovës, 25 vjet pas luftës.
E lidhur me proceset gjyqësore në Dhomat e Specializuara, u theksua se janë më të izoluara krahasuar me institucionet tjera.
Ndërsa gazetarja Serbeze Haxhiaj theksoi se Gjykatës Speciale i mungon legjitimiteti.
Kurse nga Nisma e të Rinjve për të Drejtat e Njeriut u bë e ditur se të rinjtë shqiptarë dhe serbë kanë edukim të ndryshëm për luftën në Kosovë.
Në qershor të këtij viti është miratuar Strategjia Kombëtare për Drejtësi Tranzicionale.
Kjo strategji synon realizimin e të drejtës së viktimave dhe shoqërisë për të vërtetën, drejtësinë dhe garancitë për mospërsëritje të krimeve të kryera gjatë luftës në Kosovë.
