Të vetmin kujtim që ka për babain janë fjalët e familjarëve me të cilat u rrit.
Nertila Konushevci ishte vetëm 3 vjeç e gjysmë kur i ati, Ilir Konushevci ra heroikisht më 9 maj 1998.
Tani, 28 vite pas, për tëvë1 rrëfeu kujtimet që i mban për babain e më të cilat e rriti e ëma.
“Më ka dashtë shumë dhe gjithmonë më ka mbajt në kraharor dhe kemi pas një lidhje shumë të mirë, por edhe një mashkull me qëndrim, i qetë, amo gjithmonë e ka ditë rrugën”, tha vajza e Ilir Konushevcit, Nertila.
E çdo 9 maj ajo së bashku më familjarët tjerë vijnë tek varri ku pushon Ilir Konushevci bashkë me shokun e tij të luftës, Hazir Malën.
Këto momente nuk janë aspak të lehta për të, por krenaria është ajo që mbytë çdo emocion tjetër.
“Janë ndjenja tepër të komplikime se njërën anë kam mërzi, është një rast i rëndë, ama normalisht jam tepër krenare, tepër e lumtur që vijnë njerëz që e njohin. Është ndjenjë e rëndë, pasi hala vrasja nuk është mirë e zbardhur dhe nuk dihet çka ka ndodhur 100%”, u shpreh ajo.
Ilir Konushevci ra heroikisht së bashku më shokun e tij të luftës, doktor Hazir Malën, duke sjellë armë nga Shqipëria në Kosovë.
Pjesëmarrja e Malës së bashku më Ilir Konushevcin në luftën për liri nuk ishte e rastësishme.
“Haziri ishte vëllau im i madh, dhe ishte njëri që gjithë jetën i edukuar nga fakti i ati ishte dëshmor i atdheut në Shqipëri, gjithë jetën ka jetuar përzemërsisht me kujtimet për Kosovën dhe ishte krejt e natyrshme që në këtë kohë të përzihet me veprimtarin e UÇK-së”, tha vëllai i Hazir Malës, Besimi.
Sipas vëllait të Hazir Malës, personat që vranë vëllaun e shokun e tij kishin një qëllim.
“Me mendimin e tyre që do të ndërprisnin furnizimin dhe do të arrinin ta mposhtin lëvizjen për çlirimin e Kosovës por kjo ishte e pamundur, Haziri dhe Iliri ranë në krye të detyrës, por ajo nuk u bë vrasje e shpresës, por përkundër u ngjall edhe më shumë”.
28 vite pas, ende nuk është zbardhur vrasja e Ilir Konushevcit e Hazir Malës.
