Lëkura është organi më i madh i trupit dhe shpesh një nga më të neglizhuarit në kujdesin e përditshëm.
Dermatologët këshillojnë se ruajtja e një lëkure të shëndetshme nuk ka të bëjë vetëm me estetikën, por me parandalimin e sëmundjeve dhe plakjes së parakohshme.
Sipas specialistëve, pastrimi i përditshëm i lëkurës, hidratimi, dhe mbrojtja ndaj diellit janë tre shtyllat bazë të një rutine efektive.
Përdorimi i kremrave me faktor mbrojtës është thelbësor për të parandaluar dëmtimet nga rrezet UV që mund të çojnë në rrudha, njolla, apo në raste më të rënda, kancer të lëkurës.
Ekspertët rekomandojnë gjithashtu shmangien e produkteve kozmetike me alkool apo kimikate të ashpra, të cilat dëmtojnë barrierën natyrale të lëkurës.
Ushqimi luan gjithashtu një rol të rëndësishëm – dieta e pasur me vitaminë C, E, omega-3 dhe konsumimi i mjaftueshëm i ujit ndihmojnë në rigjenerimin e qelizave dhe mbajtjen e lëkurës së butë e të ndritshme.
Në këtë periudhë pranverore ku temperaturat rriten gradualisht, mjekët këshillojnë të rishikohet rutina e kujdesit, të përdoren kremra më të lehtë dhe të evitohen qëndrimet e zgjatura në diell, veçanërisht në oraret e pikut.
