Deputetja nga Lëvizja Vetëvendosje, Arbreshë Kryeziu-Hyseni ka thënë se shpreson që në takimin ndërmjet Albin Kurtit dhe Fatmir Limaj që pritet të mbahet në fundjavë të arrihet një marrëveshje për tejkalimin e ngërçit politik.
Kryeziu –Hyseni ka thënë se si parti kanë qenë të gatshëm për marrëveshje për konstituimin e Kuvendit, por ajo ka fajësuar paritë tjera për bllokim
“Do të ketë edhe një takim të radhës, nuk e dimë se kur do të ndodhë po mund të jetë deri në fund të kësaj jave dhe shpresojmë që të jetë një takim frytdhënës që mund të nxjerrë rezultate konkrete sepse besoj që edhe partitë tjera duhet të vetëdijesohen dhe ta kuptojnë rëndësinë e pjesëmarrjes në konstituimin e Kuvendi”, ka thënë Kryeziu –Hyseni .
E pyetur nëse ka ndryshim të qëndrimit nga LVV sa i përket postit të kryetarit të Kuvendit të cilin e kërkon Nisma Socialdemokrate, ajo ka thënë se qëndrimi i tyre nuk ka ndryshuar, por për çdo lëvizje të re pas takimit Kurti – Limaj do të diskutohet në Grupin Parlamentar, ndonëse ka përsëritur qëndrimin e deritashëm se posti i kryeparlamentarit u takon atyre dhe do të ishte problematike ta merr një pari me tre deputetë.
“Sa i përket postit të kryetarit të Kuvendit, qëndrimi i LVV-së deri më tani është i ditur. Gjatë këtyre ditëve deri në fundjavë do të kemi takime edhe me Grupin Parlamentar dhe besoj se do ta diskutojmë njëjtë siç kemi diskutuar për çfarë do ndryshimi që ka ardh për konstituimin e Kuvendit. Z.Limaj edhe të tjerët duhet ta kuptojnë se posti i kryetarit të Kuvendit dhe një post i tillë i dhënë një partie me tre deputetë do të ishte problematike”, ka thënë deputetja e LVV-së.
Kryeziu –Hyseni ka thënë se paritë tjera duhet ta dinë se konstituimi i Kuvendit është përgjegjësi e të gjithëve.
Ajo ka thënë se ish-partitë opozitare e kanë bllokuar konstituimin e Kuvendit për të pamundësuar formimin e Qeverisë Kurti3.
Shpresa se një takim me një marrëveshje Kurti –Limaj ka dhënë edhe deputetja e Nismës Social Demokrate, Xhevahire Izmaku.
Izmaku: Po besoj që javën e ardhshme vendi ka me pas institucione
