Kryetarët e katër komunave veriore me shumicë serbe Mitrovicë e Veriut, Leposaviq, Zubin Potok dhe Zveçan, zyrtarisht sot do të nisin punën.
Derisa, të premten hyrja e kryetarëve në objektet e komunës është përcjellë me tensione dhe ka pasur përshkallëzim të situatës.
Për situatën në veri kanë reaguar edhe bashkësia ndërkombëtare, të cilët kanë bërë thirrje të mos ketë provokime dhe çështjet të zgjidhen me dialog, ku shtetet e QUINT-it dhe BE i kanë bërë thirrje Qeverisë së Kosovës të mos të mos ndërmarrin asnjë masë të re për të detyruar hyrjen në ndërtesat komunale në Leposaviq, Zubin Potok dhe Zveçan.
Pas përshkallëzimit të situatës në veri, ka reaguar edhe ShBA, ku ka akuzuar Qeverinë e Kosovës për masa të dhunshme në veri. Sekretari amerikan i Shtetit, Antony Blinken, ka thënë se këto aksione të Qeverisë së Kosovës po përshkallëzojnë situatën në veri. Ndërsa, presidentja e vendit, Vjosa Osmani, ka deklaruar se veprimet e Policisë së Kosovës ndaj strukturave ilegale në veri janë legjitime. /teve1.info/
