Policia e Kosovës ka bërë të ditur se është duke kërkuar një person, nën dyshimin se ka kërcënuar kryesuesin e vendvotimit në shkollën “Naim Frashëri” në Shtime.
Kryesuesi i një vendvotimi në Shtime dyshohet se është kërcënuar nga një person.
Rasti është konfirmuar nga Policia e Kosovës.
Zëdhënësi për rajonin e Ferizajt, Kanun Veseli ka thënë për teve1.info se i dyshuari B.V është në kërkim për pengim të procesit zgjedhor.
“Sot, rreth orës 15:40 në shkollën ‘Naim Frashëri’ në Shtime është raportuar se një person ka hyrë në dhomën e votimit dhe dyshohet për kanosje ndaj kryesuesit të vendvotimit. I dyshuari është identifikuar si B. V. Hetuesit rajonalë, në bashkëpunim me prokurorin e shtetit, kanë zhvilluar hetimet për palët e përfshira dhe me vendim të prokurorit, rasti është iniciuar ” Pengim në procesin e votimit” ndaj B.V., i cili është në kërkim policor”, ka thënë Veseli.
