Osmani ka dënuar sulmin ndaj policëve, teksa ka bërë thirrje për përmbajtje nga çdo veprim që mund të dëmtojë stabilitetin e rajonit.
“I shqetësuar thellësisht nga raportimet për një sulm të armatosur ndaj policisë në Zubin Potok të Kosovës. Ne e dënojmë këtë sulm të dhunshëm dhe bëjmë thirrje për përmbajtje nga çdo veprim që mund të dëmtojë sigurinë dhe stabilitetin e rajonit tonë”, ka shkruar ai në një postim në Tëitter.
Ndërkaq, edhe sot një veturë e Policisë Kufitare ishte sulmuar. Rreth orës 03:10, në Sharpej të Jarinjës, kanë ndodhur dy shpërthime, që policia dyshon se janë mjete piroteknike.
Shpërthimet kanë ndodhur afër veturës së policisë e cila ishte në një pikë statike ku policia ishte e përqendruar në parandalim të kontrabandës në atë zonë. /teve1.info/
Deeply concerned by reports of an armed attack on the police in Zubin Potok 🇽🇰. We condemn this violent attack and call for refraining from any action that could undermine the security and stability of our region.
— Bujar Osmani (@Bujar_O) April 16, 2022
