Kompania Rajonale e Ujësjellësit “Prishtina” ka njoftuar se furnizimi me ujë të pijshëm do të ndërpritet përkohësisht në disa zona të Prishtinës.
Sipas njoftimit, ndërprerja vjen si pasojë e punimeve që do të zhvillohen nga një operator ekonomik në rrugën “Arbnor dhe Astrit Dehari”.
Gjatë kohës së realizimit të punimeve, pa furnizim me ujë do të mbesin rruga “Holger Petersen”, rruga “Muharrem Fejza” dhe rrugët periferike në Matin 1.
KRU “Prishtina” ka kërkuar mirëkuptim nga qytetarët për shqetësimet që mund të shkaktohen gjatë realizimit të punimeve.
“Ju njoftojmë se një operator ekonomik do të zhvillojë punime në rrugën “Arbnor dhe Astrit Dehari”. Gjatë kohës së realizimit të punimeve, pa furnizim me ujë do të mbesin: Lagjja Universitare Rruga “Holger Petersen”, Rruga “Muharrem Fejza”, Rrugët periferike në Matin 1. Ju falënderojmë për mirëkuptimin dhe kërkojmë ndjesë për shqetësimet e shkaktuara gjatë punimeve”, thuhet në njoftim.teve1.info/
