Kompania Rajonale e Ujësjellësit “Prishtina” ka bërë të ditur se ka nisur ndërprerjen e furnizimit me ujë për konsumatorët që kanë borxhe të papaguara.
Përmes një njoftimi në rrjetin social Facebook, kompania u ka bërë thirrje të gjithë konsumatorëve me obligime të prapambetura që të kryejnë pagesat sa më parë, në mënyrë që të shmangin ndërprerjet dhe procedurat e mëtejshme.
Sipas KRU “Prishtina”, pagesa e rregullt është thelbësore për të garantuar furnizim të qëndrueshëm me ujë, mirëmbajtjen e rrjetit dhe rritjen e cilësisë së shërbimeve.
“Ndërprerje të furnizimit me ujë për konsumatorët me borxhe. Ku keni parë të merret ujë i trajtuar pa paguar? Pagesa e rregullt siguron shërbim të vazhdueshëm, mirëmbajtje të rrjetit dhe cilësi më të mirë të ujit. Lusim të gjithë konsumatorët me obligime të papaguara që të kryejnë pagesat sa më parë për të shmangur ndërprerjet dhe procedurat e mëtejshme. Paguaj obligimet, siguro furnizimin”, thuhet në njoftim.
