Ministria e Jashtme e Kroacisë ka reaguar ndaj aktgjykimit të shkallës së parë të Dhomave të Specializuara të Kosovës, duke theksuar se bëhet fjalë për një vendim të paplotfuqishëm dhe se Zagrebi nuk dëshiron të paragjykojë rezultatin përfundimtar të procesit gjyqësor.
Në një reagim të publikuar në rrjetin social “X”, Ministria e Jashtme kroate thekson se aktgjykimi nuk e ndryshon kontekstin historik të luftës në Kosovë, si dhe faktin që Kosova dhe popullsia e saj ishin viktima të represionit dhe krimeve të rënda të regjimit të Slobodan Millosheviqit.
“Kroacia është në dijeni për aktgjykimin e shkallës së parë të Dhomave të Specializuara të Kosovës. Bëhet fjalë për një aktgjykim të paplotfuqishëm dhe nuk duam të paragjykojmë rezultatin përfundimtar të procesit. Në të njëjtën kohë, ky aktgjykim nuk e ndryshon kontekstin historik të luftës në Kosovë, e as faktin se Kosova dhe popullsia e saj ishin viktima të represionit dhe krimeve të rënda të regjimit të Millosheviqit”, thuhet në reagim.
Më tej, autoritetet kroate theksojnë se përgjegjësia individuale e një personi nuk mund të përdoret si bazë për relativizimin e krimeve të kryera gjatë luftës në Kosovë.
“Përgjegjësia individuale e një personi nuk mund të jetë bazë për relativizimin e këtyre krimeve, e as për vënien në pikëpyetje të lirisë dhe pavarësisë së Kosovës”, theksohet në fund të reagimit të Ministrisë së Jashtme të Kroacisë.
Ndryshe, Hashim Thaçi dhe Jakup Krasniqi u dënuan me nga 25 vjet burgim për krime lufte, ndërsa Kadri Veseli u dënua me 18 vjet burgim e Rexhep Selimi me 13 vjet./teve1.info/
Hrvatska prima na znanje prvostupanjsku presudu Specijaliziranih vijeća Kosova. Riječ je o nepravomoćnoj presudi te ne želimo prejudicirati konačni ishod postupka.
Istodobno, ova presuda ne mijenja povijesni kontekst rata na Kosovu niti činjenicu da su Kosovo i njegovo stanovništvo bili žrtve represije i teških zločina Miloševićeva režima.
Individualna odgovornost pojedinca ne može biti osnova za relativiziranje tih zločina niti za dovođenje u pitanje slobode i neovisnosti Kosova.
— MFA Croatia (MVEP) (@MFA_Croatia) September 16, 2026
