Mefushori i Shqipërisë, Kristjan Asllani po e sheh të ardhmen e tij te skuadra e Beshiktashit në Turqi.
Në fakt, Asllani dëshiron të qëndrojë përgjithmonë te Beshiktashi, ekip që ka opsionin e blerjes së tij në verë nga Interi.
Asllani në fillim të këtij viti është huazuar te Beshiktashi, i cili duhet të paguajë 13 milionë euro për blerjen e tij të përhershme.
“Erdha te Beshiktashi si huazim, por dua të qëndrojë përgjithmonë pasi është një klub shumë i rëndësishëm”, ka thënë ndër të tjera Asllani.
24-vjeçari ka kontratë me Interin deri në vitin 2026, ndërsa këtë sezon ka 6 paraqitje dhe 1 asistim për skuadrën e Beshiktashit në të gjitha garat.
Aktualisht, Beshiktashi është i katërti në tabelë me 46 pikë të mbledhura, duke mbetur prapa Galatasarayt, Fenerbahçes e Trabzonsporit, skuadra që po luftojnë për titullin e kampionit.
