Lidhur me këtë, së fundmi është krijuar edhe një peticion për të mbledhur nënshkrime si formë kundërshtimi ndaj këtij Projekt-Kodi.
Në përshkrimin e këtij peticioni i quajtur “Për familje dhe jetë”, theksohet se kjo platformë është bashkim i qytetarëve, intelektualëve, shoqërisë civile dhe aktivistëve për t’i dalë kundër legjitimimit të martesave mes gjinive të njëtja.
“Platforma “Për familje dhe jetë” lanson peticionin online si formë e kundërshtimit të dispozitave të këtij Kodi të cilat e cënojnë direkt familjen tradicionale shqiptare”, thuhet në përshkrim.
Ky Projekt-Kod pritet që të votohet në seancën e nesërme në Kuvend. /Teve1.info/
