Krerët e shtetit bëjnë homazhe – Përkujtojnë gati 3 mijë viktimat e sulmit terrorist në SHBA
Kurorat e luleve po vendosën para pllakës përkujtimore në oborrin e Qeverisë.
Bashkë, krerët e shtetit bënë homazhe të enjten, në përkujtim të viktimave të sulmit terrorist të 11 shtatorit në Shtetet e Bashkuara të Amerikës.
E para e shtetit, Vjosa Osmani tha se Kosova është krah SHBA-së jo vetëm për nderim të viktimave por edhe për të luftuar terrorizmin kudo që ndodhë ai.
Për kryetarin e Kuvendit, Dimal Bashën, 11 shtatori i vitit 2001 ka qenë sulm kundër vlerave të lirisë dhe demokracisë.
E kryeministri në detyrë, Albin Kurti tha se terrorizmin nuk e kryejnë vetëm aktorë para-shtetërorë, por edhe vetë disa shtete.
Ndër to përmendi edhe Kosovën që ka përjetuar raste të tilla.
Në mesin e të gati 3000 civilëve të vrarë më 11 shtator të vitit 2001 ishin edhe tre shqiptarë.
Ky është sulmi më i madh terrorist në historinë amerikane, ku fillimisht një aeroplan i rrëmbyer ishte përplasur mbi kullën veriore të Qendrës Botërore të Tregtisë në Nju Jork, ndërsa 17 minuta më vonë, një aeroplan tjetër pasagjerësh ishte përplasur mbi kullën jugore.
