Kremlini thotë se nuk ka bazë për bisedime për paqe me Ukrainën. Sipas tyre, një gjë e tillë mund të bëhet atëherë kur të plotësohen kushtet e palës ruse.
Larg vlerësohet të jetë mundësia për ndonjë armëpushim mes Rusisë dhe Ukrainës.
Kjo pasi, nga pala ruse u tha se nuk ka kushte që mundësojnë realizimin e bisedimeve për paqe.
“Tani nuk ka kushte për bisedime, pasi pala ukrainase i ka shmangur dhe i përjashton ato”, ka thënë zëdhënësi i Kremlinit, Dimitry Peskov
Zëdhënësi i Kremlinit Dmitry Peskov, tha se Rusia mbetet e hapur për bisedime, ani pse armëpushimi me Ukrainën, nuk e shohin si të mundshëm pa u përmbushur kushtet e palës ruse.
“Ne kemi thënë vazhdimisht se një armëpushim nuk është diçka që duam, ne duam paqe që mund të arrihet pasi të plotësohen kushtet tona dhe pasi të përmbushen të gjitha qëllimet e vendosura nga ne. Por, në të njëjtën kohë, Rusia mbetet e hapur për bisedime”, tha Peskov.
Por, Peskov ka bërë të ditur ka nisur sulme masive në sektorin ukrainas të energjisë, si përgjigje ndaj sulmeve të Kievit me armë të dërguara nga SHBA-ja këtë javë.
Në këtë paraqitje, zëdhënësi i Kremilinit ka thënë të se kundërshtimi i presidentit të zgjedhur amerikan, Donald Trump, që Ukraina të nisë raketa të dorëzuara nga amerikanët thellë në Rusi, “është në linjë të plotë” me pozicionin e Moskës.
Trump ka thënë në një intervistë të publikuar të enjten se nuk pajtohet aspak që Ukraina t’i përdorë armët amerikane për të goditur territorin rus.
“Deklarata është plotësisht në linjë me pozicionin tonë, me qasjen tonë rreth arsyeve për përshkallëzim. Kjo na impression. Është e qartë se Trump e kupton saktësisht se çfarë po e përshkallëzon situatën”, ka deklaruar Peskov.
Luftimet në Ukrainë, u ashpërsuan në muajin e kaluar, ku Rusia lëshoi një numër rekord të dronëve kundër Kievit, duke shkaktuar dëme në ndërtesa dhe infrastrukturë kritike të disa rajoneve.
Nga sulmet e intensifikuara ruse me shënjestër infrastrukturës energjetike, çoi në ndërprerje të energjisë elektrike në shumë rajone ukrainase.
