Krasniqi: S’ka konstituim të Kuvendit pa u zgjedhur Kryesi
Kryetari i Partisë Demokratike të Kosovës, Memli Krasniqi ka thënë se s’ka konstituim të Kuvendit pa u plotësuar kryesia.
Ai kështu është shprehur të shtunën pas seancës, ku edhe pse dështojë zgjedhja e nënkryetarit nga komuniteti serb, kryetari i Kuvendit, Dimal Basha tha se kjo nuk e pengon vazhdimin e punës së Kuvendit, pasi pika 4 është ezauruar.
“Kryesia nuk është e plotë, nuk është zgjedhur dhe rrjedhimisht nuk kemi konstituim të Kuvendit. Një gjë është e qartë, pa u zgjedh krejt kryesia nuk mund të ketë Kuvend të Konstituar,” ka thënë Krasniqi.
