Në seancën e jashtëzakonshme parlamentare ku po debatohet për rritjen e çmimeve, Krasniqi deklaroi se kjo Qeveri kishte premtim për rritjen e pagës minimale – nuk ndërmori asgjë për këtë.
”Ju keni konstatuar që kjo është kostoja e lirisë dhe demokracisë. Por, mos të jetë si bakshish edhe kostoja e paaftësisë tuaj. Asnjë hap s’është ndërmarrë për rritjen e pagave, as në sektorin publik, as në sektorin privat. As paga minimale s’është përcaktuar ende që ka qenë premtim madhor i juaji. A keni dalë najkush prej juve në terren e me ecë në qytete e fshatra të Kosovës e me ju tregu sa mirë i keni punët. Njëherë nuk e patët kurajon me besu që opozita e kësaj qeverie, mendon për qytetarët e Kosovës edhe kur ju harroni me mendu për ta”, tha Krasniqi.
Tutje, teksa kritikoi Qeverinë aktuale për rritjen e çmimeve, ai hedhi kritika edhe për krizën e energjisë elektrike për të cilën thotë se “nuk kishin kurrfarë plani”.
”Para së gjithash, u thir një seancë e jashtëzakonshme sepse gjendja është e tillë, gati e jashtëzakonshme. Unë dhe të gjithë këtu e dimë që kryeministri dhe qeveria që sot jeni në pushtet nuk keni faj kryesor për këto çka kanë ndodhë, por keni faj që keni marrë detyra që s’dini me i kry qysh duhet. Ngjashëm për energjinë elektrike që nuk patet kurrfar plani. Normalisht mund të thoni se lufta në Ukrainë m und t’i ketë shkaktuar këto, por pyetja nuk është çka e ka shkaktuar këtë shpërthim të çmimeve. Por çka keni bërë ju në këtë krizë?”, tha ndër tjerash ai./teve.1.info/
