Sipas Krasniqit gjendja socio-ekonomike dhe politike po keqësohet çdo ditë e më shumë.
Ai ka thënë se kriza ekonomike, shtrenjtimi i çmimeve të produkteve bazike e kriza me energjinë kërkojnë trajtim urgjentë.
Krasniqi ka thënë se Qeveria ka braktisur qytetarët.
“Si parti shtetformuese, lidere e opozitës dhe që udhëheqë me 8 komuna, ndërsa bashkëqeveris në 9 sosh, me prioritet interesin shtetëror e qytetar, PDK do të angazhohet maksimalisht në të gjitha format dhe kapacitetet për të dhënë kontributin e vet, në të gjitha nivelet e vendimmarjes. Qeveria aktuale i ka braktisur qytetarët dhe ua ka kthyer shpinën problemeve të tyre. Duke rrënuar arritjet e deritashme, Qeveria ka imponuar stagnimin në të gjitha fushat, që ka ndikuar drejtpërdrejt në përkeqësimin e jetës së qytetarëve tanë”, ka shkruar Krasniqi, transmeton teve1.info.
