Kryetari i PDK-së, Memli Krasniqi, së bashku me kolegë e bashkëpunëtorë ka bërë homazhe te varrezat e martirëve në Sllvi të Lipjanit, të cilët u vranë 24 vjet më parë nga forcat serbe.
“Nderimet më të larta për martirët e Sllovisë, për të gjitha viktimat e gjenocidit serb në Kosovë dhe për dëshmorët, të cilët u flijuan për ditët e bardha të lirisë që i jetojmë sot”, ka shkruar Krasniqi.
Lideri i PDK-së po ashtu ka bërë homazhe edhe në fshatin Tërboc, pranë lapidarit të dëshmores Zylfije Gashi në përvjetorin e 24-të të rënies së saj.
“E përjetshme qoftë lavdia për ta!”, ka shkruar Krasniqi.
