Krasniqi tha se përveç krijimit të hapësirave të nevojshme për transplantim dhe pajisje mjekësore, duhet të ketë edhe trajnime për stafin.
“Do të ishte një gjë e mirë nëse iniciohet hartimi i ligjit të tillë, pra për transplantimin e indeve dhe organeve në Kosovë dhe krahas tij QKUK mund të përgatitet për një gjë të tillë. Sigurisht se nevojiten kushte të caktuara, hapësira para së gjithash, pajisje të caktuara mjekësore dhe përgatitja e kuadrit profesional. Unë kam besim që kuadri profesional i klinikave të caktuara mund të përfitojë këto aftësi shumë shpejt nëse veç vijmë në një situatë ku mund ta kemi një ligj për transplantimi të indeve dhe të organeve. Do të përfitonin në radhë të parë pacientët, sepse nuk do të kishin nevojë të dalin jashtë Kosovës për të kryer një procedurë të tillë terapeutike, pra, transplantim të indit ose organit që transplantohet, po do të ishte një ndihmesë e madhe sigurisht edhe për QKUK që të jetë në hap edhe me klinikat, gjegjësisht institucionet shëndetësore në rajon dhe më gjerë që këto shërbime specifike dhe të avancuara të kryhen edhe këtu tek ne. Sigurisht se do të zvogëlonte pastaj edhe koston financiare për Fondin e Sigurimeve Shëndetësore që të mos paguajnë jashtë QKUK-së”, tha ai në emisionin “De Jure” në Tëvë1.
Për më shumë, ndiqeni hulumtimin e emisionit “De Jure” me titull “Jeta në dializë”, i cili transmetohet në “Tëvë1” dhe “Betimi për Drejtësi.
