Çështja e kalimit të pragut për Aleancën për Ardhmërinë e Kosovës, nuk duhet të vihet në diskutim.
Kështu është shprehur Besnik Krasniqi, kandidat për deputet nga kjo parti.
Ai në emisionin “Këndi i Debatit” në Tëvë1 ka thënë se qytetarët e Kosovës gjithmonë kanë ditur të rreshtohen kah vlerat.
Krasniqi është shprehur se kjo parti përfaqëson vlerat e popullit.
“Populli i Kosovës gjithmonë ka ditur me rreshtuar ka vlerat dhe në asnjë rrethanë në asnjë momentet nuk e besoj që Ramush Haradinaj dhe AAK të rrezikojnë kalimin e pragut. Sa më shumë që jemi sulmuar jemi bë ma të fortë dhe jemi strukturuar mirë . Nuk mundet me u rreziku kalimi pragut të një partie ku lideri i saj është edhe ndër themeltarët e shtetit tonë. Keni parasysh ushtrinë, Ligjin për Trepçën dhe kryeqytetin e shumë punë që ka bërë Haradinaj si kryeministër”, ka thënë ai.
