Ministri i Pushtetit Lokal, Elbert Krasniqi sot ka vizituar “Qendrën për Jetë të Pavarur” në Pejë.
Krasniqi ka thënë se mbështetja institucionale për personat me aftësi të kufizuara është thelbësore, andaj edhe kjo ministri ka zbatuar projektin prej 2.7 milionë dollarë të financuar nga qeveria japoneze.
“Mbështetja institucionale për personat me aftësi të kufizuar është thelbësore andaj edhe Ministria e Administrimit të Pushtetit Lokal si zbatuese e projektit prej 2.7milionë dollarë ‘Komuna për të Rinjtë’ i financuar nga Qeveria Japoneze përmes Bankës Botërore ka për synim përfshirjen e personave me aftësi të kufizuara dhe aftësimin e tyre për tregun e punës”, ka shkruar Krasniqi në Facebook.
Ai ka marrë pjesë në hapjen e dyqanit” Mixshop”, për çka ka thënë se përmes angazhimit në punës të rinjët realizojnë potencialin e tyre.
“Me menaxheren e Qendrës, znj. Fitore Haxhihasani dhe Altinin bëm hapjen e dyqanit ‘Mixshop’, ku të rinjtë si Altini përmes angazhimit në punë në këtë dyqan do të realizojnë plotësisht potencialin e tyre si njëra ndër kategoritë e rëndësishme të shoqërisë tone” tha Krasniqi.
Derisa, Krasniqi ka theksuar se është detyrë e Qeverisë që personat me aftësi të kufizuara të vazhdojnë të jenë në planë të parë.
“Krijimi i mirëqënies për qytetarët tanë është program Qeverisës ndërsa ëahtë detyrë e jona që personat me aftësi të kufizuar të vazhdojnë të jenë në plan të parë gjatë hartimit të politikave tona për të siguruar një shoqëri të drejtë, gjithpërfshirëse dhe të qasshme për të gjithë”, ka thënë Krasniqi./teve1.info/
