Kreu i PDK-së, Memli Krasniqi, tha se partia e tij vazhdon me qëndrimin e njëjtë, për sa i përket votimit të kandidatit të LVV-së për kryetar të Kuvendit të Kosovës.
Ai tha se PDK-ja e voton një kandidat nga LVV-ja për kryeparlamentar që nuk ka qenë pjesë e Qeverisë së Albin Kurtit.
“Nëse duan zgjidhje, sot mund ta përfundonin këtë punë”, tha ai, duke shtuar se nuk ka votë për Albulena Haxhiun dhe për dikë që ka qenë ministër.
Ndërkohë, as sot nuk pati konstituim, pasi që Albulena Haxhiu dhe Donika Gërvalla nuk morën vota për kryeparlamentare.
