Komisioni Qendror i Zgjedhjeve ka publikuar shpenzimet financiare të partive politike që janë pjesë e Kuvendit të Kosovës.
Sipas raportit, në tre muajt e parë të këtij viti, Lëvizja Vetëvendosje ka shpenzuar mbi 1.5 milion euro.
Partia Demokratike e Kosovës ka shpenzuar në total 167 mijë e 193 euro.
Lidhja Demokratike e Kosovës në raportin që e ka dorëzuar në KQZ për këtë tre mujor të vitit, del sa ka shpenzuar 155 mijë e 110 euro.
Kurse Aleanca për Ardhmërinë e Kosovës për tre muajt e parë të këtij viti ka shpenzuar 82 mijë e 225 euro.
“Me qëllim të zbatimit të Ligjit nr. 08/L-122 për Financim të Subjekteve Politike, në ueb faqen e Komisionit Qendror të Zgjedhjeve janë publikuar raportet e shpenzimeve të tremujorit (janar – mars 2024) të subjekteve politike të cilat janë të përfaqësuara në Kuvendin e Republikës së Kosovës.Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike”, thuhet ndër të tjera./teve1.info./