Zëdhënësi i Komisionit Qendror të Zgjedhjeve (KQZ), Valmir Elezi përmes një konference për media ka bërë të ditur se procesi i votimit është duke shkuar në rregull.
Deri më tani ai ka treguar se në rastet kur është paraqitur ndonjë paqartësi, KQZ ka ndërhyrë dhe ka udhëzuar personat e duhur për të marrë hapat e duhur për procesin e votimit në vendvotime”
“Procesi zgjedhor është duke vazhduar pa probleme që do ta cenonin mbarëvajtjen e zgjedhjeve të përgjithshme. Në rastet kur është paraqitur ndonjë paqartësi, KQZ ka ndërhyrë dhe ka udhëzuar personat e duhur për të marrë hapat e duhur për procesin e votimit në vendvotime”, tha Elezi në konferencë për media.
Elezi edhe bëri të ditur se pas ankesave që shenja që po vendoset në gisht te votuesit, pas një kohe po fshihet, ai tha se kjo nuk është e vetmja masë që KQZ merr parasysh që një person është votues. Elezi tha se KQZ-ja edhe prova tjera.
“Gjatë ditës së sotme kemi pranuar informacione se ngjyra matrikuluese e cila vendoset në gisht, po fshihet pas një kohe të shkurtër. E para, ecuria e gjithmbarshme e procesit zgjedhor përfshirë dhe këto çështje do të jenë pjesë e analizës së mëvonshme lidhur e përgatitjet që janë bërë edhe lidhur me sfidat që jemi ballafaquar. E dyta, vendosja e shenjës në gisht nuk është e vetmja masë e sigurisë që përdoret nga KQZ që garanton procesin e votimit. Të gjithë personat që votojnë duhet që pasi të identifikoheni në vendvotime përmes dokumenteve zyrtare të nënshkruani në hapësirën e emrit, pra duke konfirmuar që po marrin pjesë në vendvotim. Ky nënshkrim ia pamundëson një votuesi që të votojë sërish”, tha ai./teve1.info/
