Komisioni Qendror i Zgjedhjeve ka njoftuar se periudha për ndërrimin e Qendrës së Votimit brenda komunës për zgjedhjet lokale do të fillojë më 28 qershor 2025 dhe do të përfundojë më 29 gusht 2025.
Siç thuhet në njoftim, gjatë kësaj periudhe 64 ditore qytetarët me të drejtë vote do të mund ta mësojnë qendrën e tyre të votimit dhe nëse dëshirojnë edhe ta ndërrojnë atë, duke e caktuar sa më afër vendbanimit në komunën e tyre.
“Këtë mund ta bëjnë në dy mënyra: Përmes platformës elektronike të KQZ-së, e cila do të bëhet e qasshme me fillimin e periudhës, ose duke paraqitur kërkesë në Komisionin Komunal të Zgjedhjeve në komunën ku janë të regjistruar si votues”, thuhet në njoftimin e KQZ-së.
