Kryeministri i Maqedonisë së Veriut, Dimitar Kovačevski, ka thënë se Kosova dhe Serbia duhet të zbatojnë marrëveshjet e arritura në Bruksel dhe Ohër dhe të ecin përpara.
Ai në konferencën e përbashkët me kryeministrin e Shqipërisë, Edi Rama, ka thënë se procesi i dialogut mes Kosovës dhe Serbisë përfshin vendime që duhet marrë, por kjo u takon liderëve që të sillen si burrështetas.
“Apelojmë për de-eskalim të situatës dhe implementim të marrëveshjeve në Bruksel dhe Ohër. Ky është një proces që përfshinë vendime në të dyja vendet fqinje por politikanët në të dyja vendet duhet të sillen si burrështetas dhe të marrin vendime të duhura”, tha ai, përcjell teve1.info
Kovačevski përmendi rastin e Maqedonisë Veriore duke thënë se me dialog mund të ecet përpara.
Ai tha se Maqedonia Veriore dikur një shtet i llogaritur si “kapur”, sot është anëtare e NATO-s dhe kandidate për anëtarësim në BE.
Sa i përket takimit me Ramën për Prcocesin e Berlinit tha se ky është një proces shumë i rëndësishëm dhe i nevojshëm për vendet e Ballkanit Perëndimor.
“Procesi i Berlinit është shumë i rëndësishëm. Ne si rajon na nevojiten përftime të shpejta, konkrete të nevojshme që do ta rrisin potencialin ekonomik të vendeve të rajonit”, tha ai.
