KOSTT, ka njoftuar se gjendja në sistemin elektroenergjetik, është stabilizuzar pas masave të koordinuara për balancimin e ngarkesës dhe përmirësimin e furnizimit me energji elektrike.
Sipas këtij njoftimi, mungesat e furnizimit nga KESCO janë plotësuar nga KEK me hyrjen në operim të bllokut B2, duke kontribuar në stabilitetin e furnizimit dhe ruajtjen e integritetit të sistemit, si dhe duke mundësuar ndërprerjen e kufizimit të ngarkesës.
“KOSTT u bën thirrje të gjitha palëve në treg të respektojnë rregulloret dhe të sillen me përgjegjësi, për të siguruar operim të qëndrueshëm dhe të sigurt të rrjetit. KOSTT mbetet në gatishmëri dhe do të vazhdojë monitorimin e sistemit, duke ndërmarrë masat e nevojshme sipas kompetencave ligjore”, ka njoftuar KOSTT.
Vendi sot është përballur me reduktime të rrymës, pasi KOSTT, ka thënë se kishte nominime të pamjaftueshme nga KEDS.
