Volejbollistët e Kosovës U19 e kanë humbur edhe një ndeshje në Kampionatin Ballkanik që po mbahet në Tiranë. Të premten, në ndeshjen për plasman përfundimtar, Kosova U19 pësoi 3:0 në sete nga Bosnjë-Hercegovina. Me humbje, Kosova renditet e fundit, përkatësisht e nënta.
Boshnjakët e nisën fuqishëm ndeshjen, duke udhëhequr 17:1 në setin e parë. Setin e parë Bosnjë-Hercegovina e fitoi 25:5. Seti i dytë ishte plotësisht i barabartë. Por sërish boshnjakët fituan, 27:25. Dominimin Bosnjë-Hercegovina e ktheu edhe në setin e tretë, të cilin e fitoi 25:16.
Tani Bonja luan me Greqinë për pozitën e shtatë, ndërsa Kosova mbetet e fundit.
Në fazën grupore, Kosova U19 humbi 3:0 në sete nga Turqia dhe nga Moldavia. Ballkanikun e përfundoi pa set të fituar.
Volejbollistet e Kosovës U19, Kampionatin Ballkanik e përfunduan të enjten në Sofje të Bullgarisë. I humbën tri duelet me rezultatin 3:0 në sete dhe u renditën në vendin e fundit, përkatësisht të gjashtë.
