Kombëtarja e Kosovës U16 në volejboll e ka zhvilluar ndeshjen e fundit sonte në Kampionatin Evropian që po mbahet në Prishtinë dhe Tiranë.Si në gjashtë ndeshjet paraprake, edhe këtë herë ndaj Turqisë, Kosova U16 pësoi humbje të thellë 3:0 në sete.
Madje, në asnjërin prej tyre, Kosova nuk arriti ta rrezikonte Turqinë, duke u kufizuar dy herë në 14 pikë, e në setin e fundit në 13 sosh. Kësisoj, Kosova U16 e mbyll Kampionatin Evropian me të gjitha humbje dhe pa as edhe një set të vetëm të fituar.
Ndërkohë, organizimi nga ana e Federatës së Volejbollit ishte i mirë dhe ndër të pakta Kampionate Evropiane që organizohen në vendin tonë.
