Kjo është kundërshtuar nga vet qytetarët. E njohësit e ekonomisë thonë se situata sociale është mjaft e rëndë.
“Në gjendjen e tanishme që është Kosova në raport me të hyrat që i ka qytetari i Kosovës nuk qëndron për faktin që ne jemi me të hyrat më të këqija në rajon që nuk e përmbushim shportën e konsumit e leje diçka më shumë”, thotë ekonomisti Mustafë Kadrijaj.
Se Kosova nuk është vendi i lirë për jetesë e thotë edhe profesori i ekonomisë, Muhamet Sadiku.
“Me paratë që marrin familjet kosovare, nuk di sa mund t’i mbulon 50% të shportës së konsumit të tyre, dhe në kuadër të kësaj janë të rrezikuar në blerjen e barnave, në sigurimin e pajisjeve të shkollimit. Dua të them që për familjet e varfra paraqitet edhe problem siç është i njohur indeksi i përjashtimit social dhe kjo situatën sociale në Kosovë e bën të padurueshme”, thotë ai.
Edhe qytetarët ankohen për çmime të shtrenjta në Kosovë.
E për një banore që jeton në Këln të Gjermanisë, jetesa në Kosovë është më e lire për të, megjithatë çmimet këtu janë momentalisht më të larta se atje.
Sipas infografikës, Kroacia radhitet si vendi më i shtrenjtë në Ballkan, duke pasuar me Malin e Zi, Serbinë, Bosnja e Hercegovinë, Shqipëria, Maqedonia e Veriut ndërsa në fund të listës është Kosova.
Kronika e realizuar nga Albiona Hajdari
