Selektori i Kombëtares së Kosovës, Franco Foda nuk do mund të llogarit në Edon Zhegrovën për ndeshjet kundër Zvicrës dhe Suedisë.
Mungesa e Zhegrovës është konfirmuar në konferencën për shtyp të selektorit Foda, në prag të grumbullimit të “Dardanëve”.
Zhegrova është liruar pasi është bashkuar me Juventusin, ekip tek i cili do ta vazhdojë karrierën.
Mungesa e Zhegrovës do të jetë e madhe për Kosovën, duke pasur parasysh se këtë muaj i luan dy ndeshjet e para kualifikuese për Botërorin 2026.
Më 5 shtator luan në udhëtim me Zvicrën, ndërsa më 8 shtator e pret Suedinë në Prishtinë në kuadër të Grupit B kualifikues.
Po ashtu, në këto ndeshje do të mungojnë edhe Milot Rashica e Florent Hadërgjonaj që janë të lënduar, ndërsa në dyshim mbetet Muharrem Jashari.
Ndërkohë, pjesë e grumbullimit të Kosovës, do të jetë mbrojtësi i Hajdukut, Ron Raçi.
