Kosova është shortuar në të njëjtin grup me Serbinë në basketboll 3X3 në Lojërat Mesdhetare Taranto 2026.
Lajmi është bërë i ditur nga zëdhënësi i Komitetit Olimpik të Kosovës, Kushtrim Krasniqi, i cili po përcjell shortin për Lojërat Mesdhetare, në të cilat do të marr pjesë edhe Kosova në disa sporte.
Lojërat Mesdhetare të këtij edicioni do të mbahen në Tarranto të Italisë, duke nisur nga 21 gushti deri më 3 shtator.
Kosova në basketbollin 3×3, përveç Serbisë, në grupin C të meshkujve, ka edhe Portugalinë e Turqinë.
Zakonisht, në ngjarje të mëdha ndërkombëtare sportive, nuk mund të garojnë Kombëtarja e Kosovës me atë të Serbisë, për shkak të situatës politike.
