Javën e ardhshme, saktësisht më 28 nëntor do të publikohet ranglista e re e FIFA-s, ku do të bëhet e ditur renditja e kombëtareve pas ndeshjeve të këtij muaji.
Bazuar në llogaritjet dhe rezultatet e dueleve të fundit, Kombëtarja e Kosovës do të ketë ngritje në këtë ranglistë në krahasim me muajin e shkuar, ndërsa Shqipëria nuk do të lëviz.
Kuqezinjtë do të mbesin në pozitën e 65-të pas këtë muaj barazuan me Çekinë dhe pësuan nga Ukraina në kuadër të Ligës së Kombeve.
Për dallim prej Shqipërisë, Kombëtarja e Kosovës do të ketë ngritje historike në ranglistën e FIFA-s.
Do të ngrihet për tri pozita në krahasim me muajin e shkuar dhe kjo do të jetë hera e parë në histori që “Dardanët” do të jenë në mesin e 100 kombëtareve më të mira.
Aktualisht, Kosova rangohet e 101-ta kurse në ranglistën që do të publikohen javën tjetër, do të jetë në pozitën e 98-të.
