UEFA, të premten ka caktuar orarin e ndeshjeve për sezonin e ri të Ligës së Kombeve, i cili nis në muajin shtator të këtij viti.
Të enjten mbrëma, është tërhequr shorti ku Kombëtarja e Kosovës ka mësuar kundërshtarët e saj në kuadër të Ligës B të kësaj gare.
Kosova për herë të parë paraqitet në Ligën B dhe bën pjesë në grupin e tretë, së bashku me Austrinë, Izraelin e Irlandën.
Ndeshjen e parë në sezonin e ri të Ligës së Kombeve, Kosova e luan në shtëpi ku më datën 24 shtator përballet me Irlandën në stadiumin “Fadil Vokrri” në Prishtinë.
Tri ditë pas duelit me Irlandën, Kosova do të luajë në udhëtim kundër Austrisë, përpara se në ditët e para të tetorit ti ketë edhe dy përballje tjera.
Më 1 tetor është ndeshje Izreal –Kosovë, ndërsa më datën 4 tetor “Dardanët” do të luajnë në Prishtinë kundër Austrisë.
Dy ndeshjet e fundit të Ligës së Kombeve, Kosova do t’i ketë në muajin nëntor, ku fillimisht më datën 14 luan në shtëpi kundër Izraelit, përpara se ta mbyllë garën më duelin në udhëtim te Irlandë tri ditë më vonë.
