Në kuadër të Forumit Ndërkombëtar të Ujit në Stamboll, ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, ka zhvilluar një takim me Presidentin e organizatës, Loïc Fauchon, ku u formalizua rruga e Kosovës drejt anëtarësimit në këtë institucion prestigjioz.
Sipas njoftimit zyrtar, gjatë takimit Pacolli ka pranuar ftesën për anëtarësim si dhe për pjesëmarrje në konferencat kryesore globale të ujit, duke siguruar që Kosova të jetë e përfshirë në proceset ndërkombëtare të vendimmarrjes për çështjet mjedisore dhe të ujit.
Organizata në fjalë bashkon mbi 260 anëtarë nga 52 shtete dhe ka status të rëndësishëm në sistemin e Kombeve të Bashkuara dhe agjencitë e saj, përfshirë UNESCO-n.
Nga ana tjetër, Presidenti Fauchon ka pranuar ftesën për të vizituar Kosovën në kuadër të ceremonisë së anëtarësimi
Ky zhvillim, sipas MPHI-së, vjen si rezultat i reformave në menaxhimin dhe mbrojtjen e resurseve ujore, të cilat po vlerësohen në nivel ndërkombëtar.
“Përmes këtij anëtarësimi, Kosova po rreshtohet krah partnerëve globalë në trajtimin e sfidave mjedisore dhe të ujit”, theksohet në fund të njoftimit./teve1.info/
