Për bartjen e mbeturinave nga Ferizaj, Kompania për Menaxhimin e Deponive në Kosovë kishte paraparë të shpenzonte vetëm 3 mijë e 750 euro.
Mirëpo, pas nënshkrimit të kontratës, i shpenzoi gjithsej 153 mijë euro, duke e tejkaluar drastikisht vlerën e kontraktuar.
Zyra e Kombëtare e Auditimit gjeti tejkalime të tilla të kontratës, edhe për shumë shërbime të tjera.
Në një rast tjetër, vlera e kontraktuar ishte 70 mijë euro, përderisa u shpenzuan gjithsej 428 mijë euro më shumë.
Për gjithë këto shpenzime që u tejkaluan nga kontrata, Kompania për Menaxhimin e Mbeturinave tashmë ka dorëzuar kallzim penal.
Këtë e konfirmoi për Tëvë1, në një përgjigje me shkrim, kryeshefi Dardan Velija.
“Kjo kontratë është planifikuar, prokuruar dhe ekzekutuar nga menaxhmenti i mëparshëm. Ndërmarrja ka bërë kallxim penal për rastin dhe jemi në pritje të bashkëpunojmë me institucionet e rendit. Jemi në proces të ristrukturimit për të rritur efikasitet dhe efektivitet dhe për të siguruar që ndërmarrja pos që kryen detyën e vet të mandatuar, bëhet edhe një shembull i mirë i qeverisjes së mirë në ndërmarrjet publike. Do zbatojmë trajnime të detyrueshme mbi etikën dhe pajtueshmërinë ligjore për të gjithë ekipin e prokurimit dhe financave, duke siguruar që KMDK të funksionojë me transparencë të plotë dhe pajtueshmërinë ligjore”, ka thënë ai.
Për gjithë këto të gjetura, Kenan Gashi nga organizata “AVONET”, thotë se duhet të nisin hetimet nga Prokuroria.
“Ka elemente të dyshimta për vepër penale, është njëra nga raportet që e kam lexuar më vëmendje dhe natyrisht të gjeturat japin të drejt që prokuroria të fillojë hetime ndaj këtij projekti . Ne si AVONET do të iniciojmë rast për këtë raport nga ajo që kemi vërejtur dhe kemi identifikuar nga raporti i Audimit, e në njëjtin shuam gjerë nuk janë kryere ashtu sic është parapare me kontratë”, shprehet Gashi.
Ky auditim përfshinë procesin e menaxhimit të kontratës ‹›Mirëmbajtja dhe riparimi i infrastrukturës në Deponitë Sanitare dhe Stacionet e Transferit të KMDK-së për periudhën shtator 2021 deri në qershor 2023 duke u bazuar në pagesat e realizuara.
