Të hënën u pranua aplikimi i Kosovës për anëtarësim në Këshillin e Evropës.
Aplikimi mori mbështetjen e shumicës së shteteve anëtare. Teksa Serbia si vend anëtar i kësaj organizate, votoi kundër.
Vota e saj në kundërshtim të anëtarësimit të Kosovës, sipas politologut Visar Xani përbënë shkelje të marrëveshjes për planin evropian.
E cila në njërën ndër pikat e tij parasheh që Serbia të mos pengoi rrugën e Kosovës në organizatat ndërkombëtare.
“Duhet Kosova që të bëj një listë me prioritete se në cilat organizata rajonale dhe ndërkombëtare është i rëndësishëm anëtarësimi shume i shpejte. Në të njëjtën kohë duhet të dënononcoi Serbinë që është duke shkelur Marrëveshjen e Ohrit, një marrëveshje e cila u arrit së fundi, përmes së cilës Kosova siguron mbështetje ndërkombëtare rajonale”, vlerësoi politologu Visar Xani.
Edhe për njohësin e politikave të Jashtme, Seb Bytyçi, vota kundër e Serbisë është shkelje e drejtëpërdrejt e marrëveshjes për planin evropian.
“Vota kundër e Serbisë është shkelje direkte e Marëveshjes së Ohrit, dhe Kosova duhet të kërkoi që të evidentohet në mekanizmin mbikqyrës së Marrëveshjes së Ohrit deh të kërkoi nga shtetet perëndimore që ta dënojnë këtë shkelje të Serbisë”, tha ai.
Pavarësisht kësaj Bytyçi kërkon nga Kosova që të punoi me partnerërt ndërkombëtar në rrugën drejt këtyre mekanizmave.
“Në të kaluarën ka provuar të anëtarësohet në UNESCO dhe në INTERPOL e kështu që mësimi nga ajo përvojë është që të punohet me aletët ndërkombëtarë që të përgatitet gjithçka para aplikimit formal në mënyrë që votimi të jetë i suksesshëm”, shtoi ai.
Nga 46 shtete sa ka Këshilli i Evropës, 33 votuan për ta dërguar kërkesën e Kosovës për anëtarësim në këtë organizatë tek Asambleja e saj Parlamentare, 7 ishin kundër, 5 abstenuan një shtet nuk mori pjesë fare në votim.
Kronika e gazetares Valëza Sylejmani.
