Komisioni Evropian, ka renditur një varg masash si paralajmërim për Kosovën.
Nga pezullimi i programit të fondeve, pezullimin e mbështetjes për nënshkrimin e kontratave, pezullimin e pjesëmarrjes në ngjarjet e nivelit të lartë e deri tek pezullimin e vizitave dypalëshe.
Ky varg i masave, qeveritarëve nuk po iu duket me vend.
Si të panevojshme masat ndëshkuese të BE-së karshi Kosovës, i sheh ministrja e Punëve të Jashtme, Donika Gërvalla.
Madje ajo thotë se fondet nuk do të bllokohen në tërësi, por vetëm përkohësisht.
Në rast këto masa hyjnë në fuqi, parashihet ndikim më së shumti në sektorin e ekonomisë.
Kësisoj, para se të ndodh kjo, njohësi i ekonomisë, Mustafë Kadrijaj, vlerëson se qeveria duhet të reflektojë.
Sipas Komisionit Evropian është esenciale që të përdoren të gjitha veglat që i kanë si BE për të shtensionuar situatën në veri të Kosovës.
