Kryetari i Kuvendit të Kosovës, njëherësh nënkryetar i Lëvizjes Vetëvendosje, Glauk Konjufca ka deklaruar se presin që shumë shpejt të krijohet qeveria e re.
Një koment të tillë, ai, e bëri pas homazheve në 26-vjetorin e Masakrës në Lubeniq të Pejës pasi u pyet nga gazetarët nëse i kanë numrat si LVV për ta krijuar qeverinë.
“Sa i përket zgjedhjeve krejt çka presim është të themelohet shumë shpejt Qeveria e Kosovës në parlament. Fillimisht parlamenti duhet të konstituohet. Besoj që i kemi numrat”, tha Konjufca.
E nga Presidenca e Kosovës sot kanë deklaruar se dekreti për seancën konstituive pritet të publikohet gjatë ditës.
