Ministri në detyrë i Punëve të Jashtme, Glauk Konjufca me rastin e festës së Kurban Bajrami, ka uruar që në çdo familje të ketë shëndet, gëzim dhe begati.
Në një postim në Facebook, ai ka thënë se kjo ditë kujton rëndësinë e kujdesit për njëri-tjetrin, ndihmës ndaj atyre që kanë më së shumti nevojë dhe forcimit të lidhjeve mes njerëzve.
“Shoqëria bëhet më e mirë kur ndërtohet mbi mirësi, dinjitet dhe solidaritet. Gëzuar Kurban Bajramin të gjithë besimtarëve myslimanë dhe shqiptarëve kudo që janë”, ka shkruar Konjufca./teve1.info/
