Ministri në detyrë i Punëve të Jashtme, Glauk Konjufca, e ka cilësuar të hidhur lajmin për vdekjen e ish-ministrit të Shëndetësisë, Alush Gashi.
Konjufca ka thënë se kontributi i Alush Gashi në arsim, shëndetësi dhe jetën publike të vendit do të mbetet i çmuar dhe i paharruar.
“I hidhur lajmi për humbjen e intelektualit Alush Gashi. Kontributi i tij në arsim, shëndetësi dhe jetën publike të vendit do të mbetet i çmuar dhe i paharruar. Me përkushtimin, urtësinë dhe punën e tij, ai la gjurmë të rëndësishme në shoqërinë tonë”, ka shkruar Konjufca në Facebook.
Ai u ka shprehur ngushëllime familjes Gashi, miqve, bashkëpunëtorëve dhe të gjithë atyre që e njohën.
“Në këto momente të vështira, familjes Gashi, miqve, bashkëpunëtorëve dhe të gjithë atyre që e njohën, u shpreh ngushëllimet më të sinqerta. I përjetshëm qoftë kujtimi për të”, thuhet në postimin e tij.
Alush Gashi, ish-ministër i Shëndetësisë dhe një nga themeluesit e Lidhjes Demokratike të Kosovës (LDK) ka vdekur të premten në moshën 75-vjeçare./teve1.info/
