Zëvendëskryeministri i Kosovës, Glauk Konjufca, ka njoftuar tërheqjen nga kandidatura për President të vendit gjatë fjalës së tij në seancën e jashtëzakonshme të Kuvendit të Kosovës.
“Zonja kryetare unë në fjalim tim thash se tërhiqem si kandidatura për president, mund të jetë marrë ndoshta kështu në formë më politike, pro nëse doni me marrë në formën juridiko-kushtetuese apo në përputhje me rregulloren e Kuvendit unë formalisht për hir të transkriptit të regjistrohet kjo ën mënyrë formale tërhiqem nga kandidatura për president të Republikës së Kosovës”, ka deklaruar Konjufca.
Pas tij, edhe deputetja e Lëvizjes Vetëvendosje, Fatmire Mulhaxha-Kollçaku, ka deklaruar se tërhiqet nga kandidatura e saj për këtë post.
“Edhe unë tërhiqem”, ka thënë Mulhaxha-Kollçaku.
Pas tërheqjes së dy kandidaturave, kryetarja e Kuvendit, Albulena Haxhiu, e mbylli seancën e jashtëzakonshme.
