Kryetari i Kuvendit të Kosovës, Glauk Konjufca ka dënuar sulmin fizik ndaj kryetarit të Pejës, Gazmend Muhaxherit.
Konjufca ka thënë se ky sulm është një akt i papranueshëm për shoqërinë, që për mjet dhe qëllim e ka demokracinë.
“E dënoj sulmin ndaj Kryetarit të Komunës së Pejës, Gazmend Muhaxherit, si një akt të papranueshëm për shoqërinë tonë që për mjet dhe qëllim ka vetëm demokracinë. I uroj shërim të shpejtë e shëndet të plotë!”, ka shkruar Konjufca në Facebook.
Tutje, Konjufca u ka bërë thirrje organeve të drejtësisë që të ndjekin në plotni rastin dhe sulmuesit të marrin dënimin e merituar.
“Dhuna kurrë nuk ka qenë zgjidhje e kurrë nuk do të zë vend, sepse jemi të vendosur kundër saj. Mbështes organet përkatëse në punën e tyre për zbardhje të plotë të ngjarjes dhe bëj thirrje që organet e drejtësisë ta ndjekin në plotni rastin dhe sulmuesit të marrin dënimin e merituar”, shkroi Konjufca./teve1.info/
