423 kongresistë i dhanë votën pro rezolutës prej pesë pika, ndërsa vetëm një votë ishte kundër.
Kjo rezolutë dënon zvarritjen e këtij zbardhjes së këtij rasti që 23 vite pas asnjë person nuk është shpallur fajtor për ekzekutimin e tre shqiptarëve shtetas amerikanë.
Ndërsa kërkon që të jenë me prioritet hetimet nga institucionet e Serbisë.
Madje në pikën e pestë të saj kërkon që ky rast të merret parasysh në raportet SHBA-SERBI.
“Progresi në zgjidhjen e këtij rasti, ose mungesa e tij, duhet të mbetet një faktor i rëndësishëm që përcakton zhvillimin e mëtejshëm të marrëdhënieve ndërmjet Shteteve të Bashkuara dhe Republikës së Serbisë”, thuhet ndër të tjera.
Si më të rëndësishmen këtë pikë e vlerëson vëllai i të ndjerëve Iliri.
Ai për teve1, tha se pret reflektim nga Serbia duke shtuar se presidenti i këtij shteti e di e kush janë fajtorët për vrasjen e tre vëllezërve të tij.
Tre vëllezërit Bytyqi iu ishin bashkuar brigadës “Atlantiku” të UÇK-së, në luftën e Kosovës në Prill 1999, kurse rreth 2 muaj më pas ishin arrestuar, pas mbarimit të luftës së në Kosovë derisa po kalonin gabimisht kufirin në Serbi.
Pasi Gjykata vendosi për lirimin e tyre, ata u morën nga një njësi serbe e operacioneve speciale, u ekzekutuan dhe u lanë sipër një varri masiv, në Petrevo Sellë.
Raporti i gazetares Flaka Zogu.