Konflikti në zgjerim midis Izraelit, Shteteve të Bashkuara dhe Iranit ka çuar në mbyllje gjithëpërfshirëse të hapësirës ajrore në të gjithë Gjirin, duke ndërprerë trafikun ajror global përmes disa prej qendrave më të ngarkuara të tranzitit në botë.
Hapësira ajrore mbi Iranin, Irakun, Izraelin, Katarin, Bahreinin, Kuvajtin dhe Sirinë ishte kryesisht e mbyllur që nga e hëna, sipas Flightradar24, ndërsa pjesë të Emirateve të Bashkuara Arabe dhe Arabisë Saudite mbetën vetëm pjesërisht të hapura.
Agjencia e BE-së për Sigurinë e Aviacionit shpalli “rrezik të lartë për aviacionin civil” në të gjithë rajonin.
Më shumë se një e treta e fluturimeve për në Lindjen e Mesme u anuluan të martën, ka njoftuar Associated Press.
Pothuajse 1,900 nga më shumë se 5,450 fluturime të planifikuara për në Lindjen e Mesme u anuluan të, tha kompania e analizave të aviacionit Cirium.
Në orët e para të 28 shkurtit, Izraeli dhe SHBA-të nisën sulme të përbashkëta ajrore kundër objektivave në Iran. Teherani u përgjigj duke synuar bazat ushtarake amerikane dhe objektet logjistike në disa vende arabe në Lindjen e Mesme, duke shkaktuar kufizime të gjera të hapësirës ajrore në të gjithë rajonin.
