Në një shtëpi të pabanuar në Zubin Potok janë gjetur dhe sekuestruar 293 fishekë dhe një uniformë me logo të Ushtrisë së Serbisë.
Lajmi u bë i ditur nga policia, e cila konfirmoi se gjërat e gjetura në vendngjarje, të cilat u zbuluan gjatë një kontrolli, të mërkurën, janë konfiskuar.
Forcat e rendit thanë se hetimet po vazhdojnë nga njësitë relevante për sqarimin e rrethanave të rastit.
Gjetja dhe konfiskimi municioneve dhe uniformave të forcave serbe të sigurisë, duke përfshirë edhe armët, nuk është dukuri e rrallë në veri të Republikës së Kosovës.
