Real Madridi do të jetë dy ndeshje pa mesfushorin Jude Bellingham, i cili në fillim të kësaj jave u pezullua nga Komisioni Disiplinor për shkak të ndëshkimit me karton të kuq ndaj Valencias.
Të premten, Komisioni i Apelit ka refuzuar ankesën e Real Madridit dhe pezullimi i Bellinghamit mbetet në fuqi. Kështu që, Bellingham nuk do të jetë në gjendje ta ndihmoj Real Madridin në dy ndeshjet kampionale kundër Osasunas dhe Celta Vigos.
Bellingham u ndëshkua me karton të kuq vikendin e shkuar pas përfundimit të ndeshjes me Valencian, në të cilën Reali barazoi 2:2.
Bellingham e mori kartonin e kuq për shkak të diskutimeve me arbitrin kryesor, i cili e sinjalizoi fundin e ndeshjes kur Brahim Diaz harkoi në zonë dhe anglezi e dërgoi topin në rrjetë.
